Zabëtczi

Mùzyka òd wiedno towarzëszëła Kaszëbóm. Rozrôżnióné bëłë piesnie bòżé i piesie kòzé. Przez lata kaszëbsczé karna (a tak pò prôwdze kapele) wëkònëwałë ùtwórë, chtërnë „òd wiedno” bëłë spiéwóné i przekazywóné z pòkòleniô na pòkòlenié. Terô corôz wiãcy nòwò pòwstałëch karnów wëkònëje nie blós znóné ùtwórë w nowi aranżacje, ale téż pòdejmùje sã pisaniô ùtwórów w kaszëbsczim jãzëkù w kònwencje mùzyczi terôczasny, nierzôdkò rockòwi.
Muzyka od zawsze towarzyszyła Kaszubom. Rozróżniano pieśni pobożne oraz pieśni rozrywkowe. Przez lata zespoły kaszubskie (a właściwie kapele) wykonywały utwory, które „od zawsze” były śpiewane i przekazywane z pokolenia na pokolenie. Obecnie coraz więcej nowo powstałych zespołów wykonuje nie tylko znane utwory w nowej aranżacji, lecz podejmuje się pisania utworów w języku kaszubskim w konwencji muzyki współczesnej, nierzadko rockowej.

Przikładë kaszëbsczich frantówków i piesniów

Nasza Zemia
Tu, je nasza Zemia, kòchanô òjczëzna
Bò to tu są nasze rodzymé Kaszëbë!

Tu, dze so leżi Półòstrów Hélsczi, dze Wisla wpôdô w mòrze
Tu, dze sã lowi flądrë i sledze, losose i wãgòrze:

Tu je nasza Zemia, kòchanô òjczëzna
Bò to tu są nasze rodzymé Kaszëbë!

Kòżdi z nas kòchô mòwã kaszëbską i gôdô bez sromòtë
Czë to je w tuńcu, czë to je w polu, czë to je kòl robòtë:

Tu, je nasza Zemia, kòchanô òjczëzna
Bò to tu są nasze rodzymé Kaszëbë!

Kaszëbsczé jezora
Chto chce spãdzëc dobré wczasë
Niech w kaszëbsczé jedze lasë
Tam, kaszëbsczi, dobri lëdze
Pòmògą mù w kòżdi biédze.

Kaszëbsczé jezora, kaszëbsczi las
Kaszëbë, Kaszëbë wòłają nas!
Kaszëbsczé jezora, kaszëbsczi las
Kaszëbë, Kaszëbë wòłają nas!

Chtëren nie wié, dze to leżi
Niech le ten do Gdini bieżi
I na Skwerze tupnie nogą
To mù kòżdi pòdô drogã

Kaszëbsczé jezora, kaszëbsczi las
Kaszëbë, Kaszëbë wòłają nas!
Kaszëbsczé jezora, kaszëbsczi las
Kaszëbë, Kaszëbë wòłają nas!

Kaszëbskô Królewô
Kaszëbskô Królewô! Bòżi,snôżi kwiat! * Panëjesz ju nama hewò òd stalat. *
Do Ce më sã żôlimë, wiedno mòdlimë, * Ò bòkadosc wiarë co dzéń prosymë.

Ref. Swiónowskô nasza Matinkò, * Na strażë stojimë kòl Ce, * Wez prowadzë kaszëbsczi lud, * Dze skrzi sã nieba wieczny wid!
Nôswiãtszô Marija, raju pëszny brzôd! * Przëstojiwómë Ce, jesmë przë Ce rôd. * Ùmòdlë ù Sëna dlô nas niebny môl, *
Zgòjë grzéchù renë, niech Ce nas mdze żôl!

Ùkòrunowónô, tesknimë do Ce, * Króluj nama wiedno, trzëmôj kòle se! *
Aczej nasju zawòłô Syn Twój przed swój trón, *Barnicą mdzë naszą, przëjim na swój plón.

Reno, czej mòrze…

Reno, czej mòrze sã bùdzy * Przë letczim parmieniów sklënim *
Pòdchòdzysz Matkò do lëdzy * Zmachconëch nocnym łowienim.
Kòl pôłnia w mòdrim klédzëkù * Të jidzesz so w słuńca blôskù *
Przë Tobie dzecuszkò nëkô * Pò mòrsczim złotawimpiôskù.
Pòd wieczór nad brzegã sôdôsz * Nad głową chòjna Cë szëmi, *
Mòrze sã cëchò spòwiôdô * Tobie, ze Swôrzewa Pani.
Abò przëjimôsz pielgrzimów * Nad naszim kaszëbsczim mòrzã *
Co jidą w próg Twiswiątini * Bë złożëc pòczestnosc wierze.
I nama môl przed swim tronã * Òstawi Mòrskô Królewò. * Dôjże
nóm pòdińc z ùkłonã, * Pò Twòje mateczné słowò.
Jô witóm waju, Kaszëbi, *W swôrzewsczim mòjim kòscele. * Mie
wiedno barzëczkò lubi *Czej widzã tu waju wiele.

Wôrt je téż òdwiedzëc jinternetową starnã, gdze mòżna spróbòwac sã w kaszëbsczim karaoke.
http://skarbnicakaszubska.pl/kaszubskie-karaoke/